Yeniliklər :: Naxçivan Muxtar Respublikası Dövlət Gömrük Komitəsi
AZ
EN
RU

Virtual qəbul

Naxçıvan MR Dövlət Gömrük Komitəsinin sədri, gömrük xidməti general-leytenantı Asəf Məmmədovla birbaşa əlaqə.

Virtual qəbula keç

Valyuta məzənnəsi

18.11.2017

USD - 1.7002

EUR - 2.0070

GBP - 2.2488

IRR - 0.0043

RUR - 0.0285

TRY - 0.4410

Yeniliklər

Balın tərkibi və keyfiyyəti dəqiqliklə müəyyən olunur
 12.06.2017
Muxtar respublikamızda arıçılığın inkişafı, eləcə də bu sahədə məhsuldarlığın artırılması üçün ardıcıl tədbirlər həyata keçirilir. Ali Məclis Sədrinin 2016-cı il 18 noyabr tarixli Sərəncamı ilə təsdiq edilmiş “2017-2022-ci illərdə Naxçıvan Muxtar Respublikasında arıçılığın inkişafı üzrə Dövlət Proqramı” iqtisadi cəhətdən yüksək gəlir gətirən, qida və müalicəvi baxımdan faydalı olan bu sahənin inkişafına geniş imkanlar yaradır. 
Son illərdə arıçılıq sahəsində keyfiyyətli məhsul istehsalına nail olunması da diqqət mərkəzində saxlanılır. Muxtar respublikamızda qida təhlükəsizliyinin təmin olunmasında mühüm rol oynayan Naxçıvan Gömrük Ekspertizası İdarəsinin sınaq laboratoriyasında arıçılıq məhsullarının ekspertizası da həyata keçirilir. Bu vaxta qədər mikroskop testi ilə balda saxaroza kristallarının mövcudluğuna və çiçək tozcuqlarının yayılımına baxış keçirilməsi mümkün idi. Qeyd edək ki, saxaroza kristallarının mövcudluğu arıya şəkər məhlulu verilməsindən, tozcuq yayılımının qeyri-mütənasibliyi isə iki və ya daha çox balın bir-birinə qarışdırılmasından xəbər verir.
Naxçıvan Gömrük Ekspertizası İdarəsi üçün yenicə alınmış “Reflactoquant” markalı analizator cihazı  isə balın tərkibində umumi şəkərliliyi, saxaroza və hidroksimetil furfurolun  (HMF) miqdarını dəqiq müəyyən etməyə imkan verir. Qeyd edək ki, təbii balın əsas tərkibi fruktoza və qlukozadan ibarətdir ki, buna da ümumi şəkərlilik deyilir. Balın tərkibində fruktoza və qlukozanın miqdarının ümumi cəmi 60 %-dən aşağı olmamalıdır. Balın növündən asılı olaraq, tərkibindəki suyun miqdarı maxsimum 20 % civarındadır.  Saxarozanın miqdarı isə maksimum 15 % təşkil edir. Həmçinin, tozcuqlar və.s də ümumi tərkibə daxildir. 
Təbii balın tərkibində HMF-nin miqdarı da diqqət yetiriləsi cəhətlərdən biridir.  Bu göstərici balın təzə və ya köhnəliyindən xəbər verir. Düzdür, bal xarab olmayan yeganə qida olsa da, qaldıqca keyfiyyətinin müəyyən qədər aşağı düşdüyü də məlumdir. HMF-nin miqdarı 25 mq/kq-dan çox deyilsə, bal təzə və keyfiyyətli hesab olunur. 
Sonda vurğulamaq yerinə düşər ki, muxtar respublikamızda əlverişli təbii iqlim şəraitinin və zəngin yem ehtiyatları bazasının olması, həmçinin, ənənəvi təsərrüfat sahəsi kimi arıçılıqda əldə edilən böyük təcrübə Naxçıvan balını fərqləndirən əsas cəhətlərdəndir. Naxçıvan Gömrük Ekspertizası İdarəsinin sınaq laboratoriyası üçün alınan və Almaniya istehsalı olan bu analizator cihazı  arıçılıq məhsullarının keyfiyyət göstəricilərinin yüksək olmasına nəzarəti təmin etmaklə brend məhsullarımızdan olan balın şöhətinin artması, tələbatın çoxalması baxımından da əhəmiyyətlidir. İstər sahibkarlar, istərsə də istehlakçılar müraciət etməklə istehsal və ya istifadə etdikləri balın tərkibini və keyfiyyətini bir neçə saat ərzində öyrənə bilərlər. Bu isə qida və müalicəvi əhəmiyyəti baxımından çox faydalı olan bu əvəzsiz nemətin keyfiyyəti ilə bağlı tərəddüd keçirmədən ondan rahatlıqla istifadə etməyə imkan verir. 

 Rahil TAHİRLİ,
Komitənin Mətbuat xidməti 
 


 


Virtual qəbul

Naxçıvan MR Dövlət Gömrük Komitəsinin sədri, gömrük xidməti general-leytenantı Asəf Məmmədovla birbaşa əlaqə.

Virtual qəbula keç

Faydalı informasiya

Bütün məlumatlar

Keçidlər

Valyuta məzənnəsi

18.11.2017
AR Mərkəzi Bankının valyuta məzənnəsi arxivi ilə burada tanış ola bilərsiz.