Kinoloji xidmət :: Naxçivan Muxtar Respublikası Dövlət Gömrük Komitəsi
AZ
EN
RU

Virtual qəbul

Naxçıvan MR Dövlət Gömrük Komitəsinin sədri, gömrük xidməti general-leytenantı Asəf Məmmədovla birbaşa əlaqə.

Virtual qəbula keç

Valyuta məzənnəsi

18.11.2017

USD - 1.7002

EUR - 2.0070

GBP - 2.2488

IRR - 0.0043

RUR - 0.0285

TRY - 0.4410

Kinoloji xidmət

 

 Gömrük orqanlarında kinoloji xidmətin fəaliyyətindən gömrük nəzarəti zamanı narkotik vasitələrin, psixotrop, güclü təsirli, zəhərləyici, partlayıcı, radioaktiv maddələrin, odlu silahların, partlayıcı qurğuların və döyüş sursatının aşkar edilməsi zamanı istifadə olunur.

Xidməti itlərin təlimi və xüsusi hazırlığının təşkili diqqətdə saxlanılır və onların tətbiqinin forma və metodları ilbəil təkmilləşdirilir. Kinoloqların hazırlığının və peşə  keyfiyyətlərinin artırılmasına da xüsusi fikir verilir,  Kinoloji xidmətin komplektləşdirilməsi məqsədilə peşəkar xidməti itlər seçilərək alınır, artırılır, onların cins tərkibi və iş keyfiyyətləri yaxşılaşdırılır, genefondu qorunub saxlanılır.

Kinologiya və xidməti itçilik üzrə Azərbaycan Respublikasının, muxtar respublikanın və xarici ölkələrin hüquq-mühafizə orqanları və digər qurumları ilə müəyyən olunmuş qaydada əməkdaşlıq və birgə fəaliyyət uğurlu nəticələr verir.

Bu tədbirlərin davamı olaraq Türkiyə Respublikasının gömrük sahəsindəki təcrübəsindən yararlanmaq və kinoloji xidmətin səviyyəsini artırmaq məqsədilə qarşılıqlı əlaqələrin yaradılması və möhkəmləndirilməsi üçün Türkiyə Respublikası Polis Müdirliyinin İt Təlim Şöbə Müdirliyi ilə Naxçıvan Muxtar Respublikası  Dövlət Gömrük Komitəsi  arasında bir sıra yazışmalar aparılmışdır.   26 may - 21 iyun  2014-cü il tarixlərində Naxçıvan Muxtar Respublikası  Dövlət Gömrük Komitəsinin instruktor-kinoloqları iki  nəfərdən ibarət heyətlə  peşə hazırlığının artırılması,  narkotik vasitələrin, psixotrop maddələrin və onların perekursorlarının qanunsuz dövriyyəsinin qarşısının alınması istiqamətində  Türkiyə Respublikasında təşkil edilmiş “Narkotik Maddə Axtarış İti və İdarəçisi Əsas Təhsil Proqramına” öz xidməti itləri ilə birlikdə dəvət edilmiş və təcrübə mübadiləsi keçmişlər.

2015-ci ildə kinoloji xidmətin səmərəli təşkil olunması məqsədilə yeni xidməti itlər alınmış, Naxçıvan Muxtar Respublikası Dövlət Gömrük Komitəsinin Kinoloji şöbəsi tərəfindən xidməti itlərin yetişdirilməsinə başlanılmışdır.

Naxçıvan Muxtar Respublikası Dövlət Gömrük Komitəsi ilə Ankara   Baş Polis İdarəsinin Gölbaşı İt-Təlim Mərkəzi arasında əldə olunmuş razılaşmaya əsasən  Dövlət Gömrük Komitəsinin 3 nəfərdən ibarət instruktor-kinoloq heyəti 2015-ci ilin aprel ayında Ankara şəhərində keçirilmiş 20 günlük təlimlərdə iştirak etmiş,  kursu müvəffəqiyyətlə bitirərək sertifikat almışlar.  Kurslarda peşə hazırlığının artırılması, narkotik vasitələrin, psixotrop maddələrin və onların prekursorlarının qanunsuz dövriyyəsinin qarşısının alınması istiqamətində daha effektli mübarizə metodları mənimsənilmişdir.

2016-cı ilin birinci yarısında kinoloji sahədə dölçülük işinə xüsusi əhəmiyyət verilmiş, “Belçika qurdu” irqli xidməti itlərdən 6 baş bala alınmışdır.

Yaradılan şərait və əldə olunan təcrübə hesabına Dövlət Gömrük Komitəsinin Kinoloji Şöbəsi muxtar respublikada kinoloji xidmət işinin keyfiyyətinin artırılması baxımından baza rolunu oynamağa başlamışdır.  Son aylarda kinoloqların peşəkarlıq səviyyəsinin artırılması məqsədi ilə Naxçıvan Muxtar Respublikası Fövqəladə Hallar Nazirliyinin kinoloji xidməti ilə birgə təlimlər təşkil olunmuş,  Dövlət Gömrük Komitəsinin Kinoloji şöbəsi tərəfindən Fövqəladə Hallar Nazirliyinin kinoloqlarına kurslar verilmiş və iki baş xidməti itin yetişdirilməsinə köməklik göstərilmişdir. Gələcəkdə Sərhəd Xidməti ilə də kinoloji sahədə birgə təlimlərin keçirilməsi nəzərdə tutulmuşdur. 

 

 

Virtual qəbul

Naxçıvan MR Dövlət Gömrük Komitəsinin sədri, gömrük xidməti general-leytenantı Asəf Məmmədovla birbaşa əlaqə.

Virtual qəbula keç

Faydalı informasiya

Bütün məlumatlar

Keçidlər

Valyuta məzənnəsi

18.11.2017
AR Mərkəzi Bankının valyuta məzənnəsi arxivi ilə burada tanış ola bilərsiz.